Касцёл Святой Тройцы

           Касцёл Св. Тройцы - рымска-каталіцкі храм у г. Косава (Івацэвіцкі раён, Брэсцкая вобласць).  

Пружанскага дэканату Пінскай дыяцэзіі. 

          Касцёл з'яўляецца помнікам архітэктуры ў неагатычным стылі. Некаторыя крыніцы характарызуюць стыль храма як неараманскага. Уключаны ў Дзяржаўны спіс гісторыка-культурных каштоўнасцей Рэспублікі Беларусь .

        Гісторыя касцёла бярэ свой пачатак з 1521 г. 1 жніуня , калі на месцы цяперашняга касцёла першапачаткова быў пабудаваны драўляны. 

       Менавіта ў ім 12 лютага 1746 года быў ахрышчаны Тадэвуш Касцюшка. 

       У 1872 годзе касцёл згарэў у час вялікага пажару горада.

     У 1877 годзе быў узведзены цагляны касцёл у неагатычным стылі, высілкам прыхаджан, асабліва калятара ўладальніка Марачоўшчына Вандалін Пуслоўскага. 

      Сярод яркіх элементаў гэтага стылю можна адзначыць вузкія доўгія вокны з вітражамі, а таксама саму прастакутную форму пабудовы з апсідай з пяці граняў. На галоўным фасадзе касцёла размясцілася вежа-званіца, якая мае шатровым чатырохгранную форму. 

      Унутры касцёла размяшчаецца алтар, на якім можна ўбачыць абраз «Маці Божай Ласкавай» 1620 года. 

       Кажуць, што калі згарэў драўляны касцёл, абраз  застаўся некрануты і ляжаў сярод попелу пасля пажару.     

       Памаліцца перад гэтай Дзіўным Абразом прыходзяць не толькі каталікі, але і людзі праваслаўнай веры і іншых веравызнанняў. Іх усіх аб'ядноўвае вера ў тое, што абраз «Маці Божая Ласкавай» сапраўды творыць цуды. 

    Шмат гісторый аб вылячэнні шчыра просячых перад абразом людзей. Хтосьці з іх пазбаўляўся нават ад анкалагічных хвароб і цяжкіх хвароб сэрца, а таксама іншых сур'ёзных захворванняў. 

Цуд заключаны не толькі ў самой іконе, але і ў той сіле веры на вылячэнне, з якой людзі прыязджаюць да яе памаліцца.

"Касцёл ім.Святой Тройцы" адкрыты для наведвальнікаў. 

Для жадаючых , пазнаёміцца з гісторыяй Касцёла.

Вас пазнаёміць  экскурсавод-валанцёр,  папярэдне патэлефанаваўшы па

(тэл. + 375292258918 Ганна).